விடியல்

 

நள்ளிரவில் வாங்கினோம்

விடியல் காட்ட மறுக்கிறார் - கோழை

கள்ளமன அந்நியர்கள்

நடிப்பான நட்புடனே

அடக்கியே ஆள்வோர்க்கு

நம் வளர்ச்சி பொறுக்காமல் - நாட்டை

அடகு வைக்கும் ஆள்தேடி

நஞ்சைத்தான் விதைத்தாரே

ஒற்றுமையாய் வாழவிடாமல்

பிரித்தாளும் சூழ்ச்சியினால் - பல

வேற்றுமை உட்புகுத்தி

சிரிக்கிறார் சண்டைமூட்டி

வல்லிரவுத் தூக்கத்தை

விட்டொழித்து விழித்தெழுந்து - நாட்டில்

நல்லார் தீயோர் இனங்கண்டு

இட்டுச் சொல்வோம் நல்வழிக்கே

பசித்திருப்போம் நல்லவை கொள்ள

விழித்திருப்போம் நாட்டைக் காக்க - என்றும்

தனித்திருப்போம் தீயவை விலக்க

சேர்ந்திருப்போம் எதிரிகளை விரட்ட

வாழ்க நம் தாய்த் திருநாடு

வளர்க நம் நிறைந்த பண்பாடு - இன்னும்

செழிக்க நம் இயற்கை வளங்கள்

நிலைக்க ஆன்றோர் பெற்ற சுதந்திரம்

ஜெய் ஹிந்த்!

சுதந்திர தின வாழ்த்துகள், வணக்கங்கள்.

Aug 15, 2024