Vasanthi 60

 

அறிந்திருந்தேன் அவளை தோழியாய்

அறிந்திலேன் வருவாளெனத் துணைவியாய்

தெரிந்திருந்தேன் அவளை வசந்தியாய்

நுழைந்தாள் என் வாழ்வில் வசந்தமாய்

ஒன்றுமறியா பருவத்தில் ஒன்றிணைந்து 

ஒன்றாய் வாழ்வை தொடங்கினோம் 

ஒருவருக்கொருவர் துணையாகக்கொண்டு

ஒரு நல்ல குடும்பத்தை உருவாக்கினோம் 

ஆணின் பங்கு உழைப்போடு நின்றாலும் 

பெண்ணின் பங்கு அன்புடன் காப்பதன்றோ 

பொறுமையுடன் அனைவரையும் பேணி 

பொறுப்புடன் பணியிடத்திலும்  சிறந்தாளே

அறிவும் பண்பும் பெற்றவளாம் 

கனிவும் பணிவும் அவள் குணமாம் 

சுற்றமும் நட்பும் நாடுபவள் அவள்

சுவையான இன்னமுதும் படைப்பவளாம் 

தன்னகத்தின் நலம் கருதி பணியுயர்வை

தயக்கமின்றி தாரை வார்த்து என்றும் 

அருகிலிருந்து பார்த்துக்கொள்ள 

அரும்பாடு பட்டது அவள்தானன்றோ 

புகுந்த வீட்டிற்கு பெருமை சேர்த்து 

பிறந்த வீட்டுப் பிணைப்பும் காத்து 

பள்ளிப் பருவத்து நட்பும் பேணி

பணியிடத்திலும் பலரன்பை பெற்றவளே 

எம்நலம் காத்தது மட்டுமல்லாமல் நின் 

பணியிலும் சாதித்தது யாமறிவோம் 

உன்னால் உயர்ந்திட்ட உயிர்களனைத்தும் 

உன்நலம் விழைந்தே வாழும்காண் 

குலத்திற்காக செம்மையாய் உழைத்திட்ட

குலவிளக்கிற்கும் சற்றே ஓய்வளிக்க

பணிநிறைவு நாளும் வந்திட்டதால் 

பாங்காய் கூடியிங்கு வாழ்த்திடுவோமே 

(my gift on her retirement)